24-րդ Triennale Milano միջազգային ցուցահանդեսը մեկնարկել է մայիսի 13-ին և բաց է լինելու մինչ նոյեմբերի 9-ը: Մեկնարկին նախորդել էր ցուցահանդեսի պաշտոնական բացումը, որի ընթացքում համակարգող թիմը ներկայացրել է առաջին հայկական տաղավարը:
Տաղավարն իրենից ներկայացնում է խորհրդանշական հարթակ ստեղծարարության համար և կրում է «(ordinary) architecture. Yerevan» անվանումը։

Տրիենալեն միավորում է բազմազան մշակույթներ և տեսակետներ՝ ներկայացնելով տարբեր քաղաքներին նվիրված իլյուստրացիաներ:

Ցուցահանդեսը ներառում է նաև տարբեր հաղորդակցական նախագծեր, ինչպիսիք են՝ հանրային ծրագրերը, սիմպոզիումներն ու կատալոգները՝ գիտության, ակադեմիայի, դիզայնի և արվեստի ոլորտների հանրահայտ ներկայացուցիչների ակնարկներով:

Առանձնահատուկ ուզում ենք նշել Library for Architecture -ի, Meganom –ի, Untitled Architecture –ի և Հայաստանի ազգային գրադարանի թիմերին, քանի որ իրենց համատեղ աշխատանքի շնորհիվ հնարավոր եղավ 24-րդ Triennale Milano միջազգային ցուցահանդեսին հանդես գալ հայկական տաղավարով: